Isa ka lalake sa Poland ang nadakpan matapos ginkawat ang kabayo kag gintago sa iya apartment sa 3rd floor.
Nakibot ang mga pulis sa Wejherowo, Poland matapos makabaton sang report nga may isa ka lalaki ang nagpasaka sang kabayo pasulod sa isa ka residential building.
Abi sang mga pulis isa lang ini ka prank call, apang sang ginsabat nila ang ginhatag nga adress, nakibot sila sang makita nga matuod ang report nga ila nabaton.
Sang nag-abot ang mga pulis sa apartment building, nakita nila ang wala ginhingadlan nga 19-anyos nga lalaki nga nagabaisay sa isa pa ka residente bangud ginatinguhaan niya nga pasudlon ang isa ka daku nga kabayo sa iya unit sa 3rd floor.
Natukiban nga indi ginapanag-iyahan sang lalaki ang kabayo kag ginkawat lang niya ini.
Gilayon nga gindakop ang lalaki kag ginbalik sa tag-iya ang kabayo.
Ginpasakaan naman sang kaso nga theft ang lalaki kag nagapangatubang sang lima ka tuig nga pagkapreso.
