Isa ka lalaki sa Istanbul, Turkey nagpasugot nga magbayad sang “cat support,”,” ukon sustento, para sa kuring nga alaga niya kag sang iya anay asawa bilang kabahin sang ila divorce settlement.
Si Bura B. kag ang iya bana nga si Ezgi B., nag-file sang “mutually agreed-upon” divorce bangod sa “severe incompatibility.” Nagkasugtanay ang duha nga indi sila magpangayo sang sustento ukon bayad sa isa kag isa.
Apang, ginlakip nila ang isa ka pinasahi nga probisyon sa ila kasugtanan: suporta para sa ila duha ka hinuptanan nga kuring.
Suno sa kasugtanan, ang kustodiya sang duha ka kuring ang magakadto sa asawa. Bilang balos, si Bura B. magabayad sang 10,000 Turkish liras kada tatlo ka bulan (quarterly) para sa mga gasto sang mga kuring.
Nakasulat sa divorce settlement nga ang mga pagbayad magapadayon tubtob nga si Ezgi B ang may kustodiya sa mga kuring, apang may limitasyon nga 10 ka tuig lamang.
Dugang pa, ang 10,000 lira nga kantidad magataas kada tuig, base sa opisyal nga Consumer Price Index (CPI) sang Turkey.
Ining pinasahi nga kasugtanan gindayaw kag ginatawag karon nga isa ka halimbawa sang “bag-o nga sahi sang alimony” sa Turkey.
Ginpahayag man nga mahimo ini mangin isa ka sulundan ukon “precedent” para sa palaabuton nga mga kaso sang diborsyo nga nagalakip sang pinansyal nga suporta para sa mga hinuptanan.
