ROXAS CITY, CAPIZ- Temporaryo nga ginsirado ang Lapu-Lapu Street sa Barangay III, Roxas City bangud sang pagkarumpag sang esplanade nga napahamtang diri.
Sa interview sang Bombo Radyo kay Punong Barangay Nelson Ignacio sang nasambit nga barangay, ginpahayag nga bangud sa makusog nga pagbubo sang ulan subong nga adlaw, Hunyo 11, 2025, narumpag ang amu nga esplanade.
Dugang pa sini, nga bangud sa pagkarumpag, may pila ka mga electrical connections ang nagtukal kabangdanan nga temporaryonga ginsira ang amon nga kalye.
Samtang, personal naman nga ginpadulungan ni Mayor Ronnie Dadivas ang amo nga lugar agud chekyaron.
Mensahe naman ni Ignacio sa mga pumuluyo, nga likawan danay ang pag-agi sa amo nga lugar agud masiguro ang kaluwasan sang tagsa-tagsa.
With a report from Bombo Francis Binas
