ROXAS CITY – Ginkumpirma sang provincial director sang Capiz Police Provincial Office (CPPO) nga may naggamit sang iya pangalan kag profile picture sa facebook agud makapanunto sa iban nga tawo.
Ginpahayag ni Police Col. Julio Gustilo Jr., matapos nadiskubrehan ang paggamit sa iya profile pic gilayon sini ginpakig-angutan ang tanan nga yara sa friends list sa facebook kag gin-imporma nga indi magpati sa kun anuman nga hinyuon sang nagagamit sa amo nga account bangud indi siya ang yara sa likod sini.
Nahibaluan may nagkumpirmar nga isa sa mga abyan ni Gustilo nga nagmessage sa iya ang amo nga account kag nagrequest nga padalhan sa GCash sang kuwarta.
Apang wala ini gin-entertain bangud natigayon na sila nga ma-imporma ni Gustilo. Sa pihak nga bahin nagpasalig man si Gustilo nga handa magbulig ang mga kapulisan sa mga investors sang investment scheme nga plano magreklamo.
