Gindayaw ni League of Cities of the Philippines (LCP) President kag San Juan Mayor Francisco Javier “Francis” Zamora ang rice program nga ginapatuman sang syudad sang Roxas.
Sa idalum sang Bagong Pilipinas Rice Program sa Roxas City, Capiz, naglab-ot sa 500 ka mga benepisyaryo nga ginabug-usan sang mga Persons with Disabilities (PWDs), solo parents, kag mga mangunguma ang nakabaton sang tig 10 ka kilo sang bugas
Ini kasunod sang pagbisiti sini para sa sisterhood agreement.
Sa interview sang Bombo Radyo kay Zamora, iya ginpahayag nga importante nga personal niya nga ginabisitahan ang nagkalain-lain nga mga syudad agud mahibaluan ang ila mga kinahanglanon kag mapasagnkad ang koordinasyon sang mga local government unit.
Suno kay Zamora, kinahanglan koordinasyon sang mga opisyal sang gobyerno agud mapaayo kag masiguro ang epektibo nga programa para sa pumuluyo.
Ginpasiguro man sini nga padayon ini nga magakooordernar sa mga Local Governtment Unit agud nga mapatuman ang mga programa kag proyekto sang gobyerno.
