-- ADVERTISEMENT --
Ginpakigbahin sang NBA superstar LeBron James ang iya nga bag-o nga tattoo.
Sa social media account sini, ginpakita sini ang Olympic rings nga napagkit sa iya nga natuo nga siko.
Ginakabig sini nga kabahin na sang iya nga kabuhi ang paghampang sadtong 2024 Paris Olympics.
Ginpahayag man sini nga indi pa sigurado kun ini na ang ulihi nga paghampang niya sa Olympics bangud pag-abot sa 2028 Los Angeles Olympics 44-anyos na ang edad sini.
Sa karon ang 39-anyos nga Los Angeles Lakers star ang nagdaog sang iya nga ikatatlo nga gold medal sa bag-o lang nagtakop nga Paris Olympics.
-- ADVERTISEMENT --
Nangin team captain pa ini sang Team USA kag flag bearer sa opening games.
