Nagtaliwan na ang kilala nga Brazilian musician nga si Sergio Mendes sa edad nga 83.
Ginkumpirma ini sang iya nga pamilya ang pagtaliwan sa ila balay sa Los Angeles apang wala na ginsambit pa ang gintunaan sang iya kamatayon.
Nagdaug ini sang isa ka Grammy Award, duha ka Latin Grammys kag nominado man ini sa Oscars sadtong 2012.
Ang iya sikat nga bandang Brasil ’66 amo ang nagpasikat sang mga kanta nga bossa nova, jazzy kag samba style music.
Ang ila nga album nga ” “Herb Alpert Presents Sergio Mendes & Brasil ’66″” ang nangin platinum sadtong 1966 kun sa diin ang kanta nila nga “Mas Que Nada” ang ginrecord sang grupo nga Black Eyed Peas sadtong 2006.
Una nga ginpaguha ini ang album amo ang “Dance Moderno” sadtong 1961 apang nakilala siya sa pag-record kaupod ang mga jazz musicians nga sanday Cannonball Adderley kag Herbie Mann.
Ang kanta sini nga “The Look of Love” ang nangin sikat kun sa diin gingamit pa ini sa pelikula nga “Casino Royale” sadtong 1967.
Naulila sini ang asawa nga si Gracinha Leporace nga isa man ka Brazilian singer kag lima ka mga kabataan.
