Gin-anunsyo sang mga labor leaders nga sanday Leody de Guzman kag Luke Espiritu nga sila ang magadalagan para sa pagkasenador sa 2025 elections.
Pormal sang mga ini nga gin-anunsyo sa ika-31 tuig nga anibersaryo sang Bukluran ng Manggagawang Pilipino (BMP).
Sa speech ni de Guzman, gintalupangod sini nga ang puno kag punta sang mga isyu nga ginapakigbato sang kada isa ang bangud sa political dynasty, ang elite sang gobyerno nga nagahimo sang mga layi, patakaran kag programa nga nagatrabaho sa dalagkuan nga mga negosyante.
Samtang, indi lamang political dynasties ang gintuad ni Espiritu sa iya nga speech mangin si Presidente Ferdinand Marcos kag Vice President Sara Duterte.
Matandaan nga nagdalagan sa pagkapresidente si de Guzman sang 2022 sa idalom sang Partido Lakas ng Masa, nga yara sa ika-walo nga pwesto. Bag-o ini, nagdalagan man ini sadtong 2019 sa pagkasenador kag yara ini sa ika-38 nga pwesto.
Nagdalagan naman si Espiritu sadtong 2022 sa Senate race sa idalom sang partido nanday De Guzman-Bello. Yara naman ini sa ika-34 nga pwesto nga may 3,470,550 nga boto.
