LET passer, nangin inspirasyon ang iya ginikanan

ROXAS CITY – Tuman ang pagpasalamat sang isa ka Pilareño sang mabasahan sini ang iya pangalan nga isa sa mga nakapasar sa Licensure Examination for Teacher (LET).

Suno kay Dark Martizano, nga nangin inspirasyon gid sini ang iya ginikanan, sumugod sa pagkuha sang kurso nga edukasyon, apisar nga indi ini ang iya nga luyag kuntani nga kurso.

Apang, bangud sa paglangga sini sa iya ginikanan, ginsunod sini ang luyag nga kurso para sa iya.

Ginpakigbahin man ni Martizano nga ika-duha na sini nga pagkuha sang board exam.

Naka-eksperyensiya man ini sang pila ka mga pagpakamalaut sang wala ini nakapasar sa una nga kahigayunan.

Mensahe sini sa mga naga-abot sang ila handum nga indi pagpanghinaan sang balatyagon, kag mangin preparado sa pag-abot sini.