-- ADVERTISEMENT --
Natanala nga ipatukod sang Local Government Unit sang Ivisan, Capiz ang slope protection project agud mapahagan-hagan ang pagbaha sa pila ka lugar sa banwa.
Sa interview sang Bombo Radyo kay Ivisan, Capiz Mayor Felipe Neri Yap, iya ginpahayag nga ang amo nga proyekto makabulig sa mas madasig nga subside sang tubig-baha kag pagpugong sang pag-anod kag pagtiphag sang duta, pati na ang pagkahulog sang mga bato.
Suno pa sa alkalde, makabulig man ang proyekto nga mapunggan ang pagpalawig sang baha nga mahimo magadala sang peligro kag perwisyo sa mga pumuluyo.
Ginpahayag man sini madamo pa nga mga proyekto sa banwa ang nakalatag kaangay sang renovation sang Ivisan Civic Center, pagpauswag sang economic enterprises kag pagpatukod sang RORO terminal.
