ROXAS CITY – Gindugukan sang ginatus ka mga tawo ang Food Trip sa Capiz kasunod sang opening day sang Capiztahan 2019.
Madamo nga mga bisita ang napa Wow sang ila makita ang tuman ka damo nga mga seafoods nga ginapabugal sang Roxas City kag probinsiya sang Capiz sa Capiz Gymnasium.
Kalakip sa mga seafoods nga libre nga ginpakaon sang provincial government sa mga bisita amo ang alimango, lucon, talaba, isda kag iban pa.
Tanan nga nakatilaw ang nagsiling nga the best ang seafoods sa Capiz kag wala sila naghinulsol sa pagbaton sa imbitasyon sang ila nga mga himata bangud sobra sila nga nag-enjoy sa pagkaon sang manamit nga mga p[akinhason..
Samtang magluwas sa Food Trip sa Capiz nga isa lamang sa madamo nga mga aktibidad sang Capiztahan 2019 ginbantayan man ang 3nd Capiz International Triathlon sa diin pila ka mga kilala nga triathletes nga gikan sa iban nga pungsod ang yara subong sa Capiz para magpasakup sa nasambit nga kumpetisyon.
