ROXAS CITY – Yara na sa kustodiya sang Intelligence Section sang Police Regional Office (PRO-6) isa ka matag-as nga leader sang New Peoples Army ukon NPA nga nagsungka sa mga katapo sang kapulisan sa Barangay Jagnaya, Jamindan, Capiz.
Ini ang ginkilala kay Julio Llanes alyas ‘Ka Pablo Llanes’ nga anay squad leader sang Central Front Committee sang Communist Party of the Philippines-New Peoples Army (CPP-NPA).
Mahibaluan nga ang grupo nga ginapamunuan ni ‘Ka Pablo’ ang nagahulag sa mga banwa sang Tapaz, Jamindan, kag pila ka banwa sang Northern Iloilo.
Nahibaluan nga si ‘Ka Pablo’ ang nalakip sa ‘Top Most Wanted’ sa listahan sang Department of Interior and Local Government ukon DILG kag Department of National Defense ukon DND bangud sa iya ginapangatubang nga madamo nga kaso sang murder.
