Gin-athag ni Senate President Francis “Chiz” Escudero nga sa karon, wala sang plano nga buhinan ang numero sang mga holiday sa pungsod.
Suno kay Escudero, ang polisiya sang Senado amo ang indi pagdugangan ang mga holiday, kag indi man pagbuhinan.
Ang ginpahayag ni Escudero amo bilang sabat sa magkatuhay nga mga pagbash nga nabaton sini sa nauna nga ginpahayag sini nga kun sa diin ginsiling sini nga limitahan sang mga ini ang pag-apruba sang mga lokal nga panukala nga layi sa holiday.
Suno sa liderato sang Senado, sa karon, may 24 tubtob 25 holidays sa Pilipinas sa isa ka tuig, indi na dira kalakip ang mga suspensiyon sa trabaho bangud sa malain nga kondisyon sang panyempo.
Dugang pa sini, kun 22 ka adlaw lamang ang trabaho sa isa ka bulan, para na suno diri nga may isa ka bilog nga bulan nga wala naga-ubra ang mga mangagawa.
Ang ginatuyo lang sang mga ini suno diri nga mangin mas competitive ang Pilipinas.
Apang, dugang pa ni Escudero nga indi prayoridad sang Senado ang mga kasubong sini nga mga butang.
