Ginpasalamatan sang Liga ng mga Barangay President sang Sapian, Capiz, nga si Punong barangay Ignacia Santacer sang Brgy. Dapdapan, ang P200,000.00 nga pondo nga nabaton sang tagsa ka kwalipikado nga barangay sa idalom sang Bawat Barangay Makikinabang nga program.
Suno kay Santacer, tuman ang iya pagpasalamat kay Capiz Governor. Fredenil Castro kag kay Presidente Ferdinand Marcos Jr.
Ginpahayag man sini nga pagagamiton nila ang P100,000.00 sa pagbakal sang e-bike agud magamit sang ila Barangay Peacekeeping Action Team sa tion sang emerhensya kag mga aktibidad sa barangay.
Kabahin man sa ila plano ang pagpatuman sang barangay scholarship program para sa lima ka mga kwalipikado nga student.
Suno pa sa natungdan, daku nga bulig ang amo nga pondo sa pagpatuman sang mga proyekto kag programa nga direkta nga makabenepisyo sa mga residente sang barangay.
