Patay na sang nasapwan ang lima ka tuig nga bata nga babaye, hublas kag nakaputos sa sako malapit sa sapa sa Tanauan, Batangas. Gin-alegar nga ginhimuslan ang biktima antes ginpatay.
Ginpahayag nga may laslas sa liog ang biktima nga nasapwan sa Barangay Maugat.
Nagaguwa sa imbestigasyon nga isa ka lalaki nga kasilingan ang nagsugo sa iya bata nga agdahon ang lamharon nga biktima nga maghampang sa ila balay.
Suno sa iloy sang biktima, wala niya natalupangdan nga naghalin ang bata.
Ginpahayag nga ginpangita nila ang bata sa nagkalain-lain nga lugar, tubtub pagkasunod nga adlaw nasapwan ini malapit sa isa ka sapa.
Nadakpan ang kasilingan sang biktima sa follow-up operation sang mga otoridad.
Nadakpan man ang isa pa ka lalaki nga gintudlo sang kaingod nga ginaalegar rapist kag murderer sang biktima.
Wala naman naghatag sang pahayag ang mga nadakpan, samtang nagasinggit naman sang hustisya ang pamilya sang biktima.
