ROXAS CITY – Posible nga magpatigayon sang limited face-to-face classes ang probinsya sang Capiz, apang may pila lamang ka mga pagsulundan nga kinahanglan ipatuman sa tagsa ka eskwelahan.
Ini ang ginkumpirmar ni Dr. Salvador Ochavo Jr. DepEd Capiz Division Superintendent, sang mainterview sang Bombo Radyo.
Suno diri, may yara sa karon sang 38 ka mga eskwelahan sa probinsya ang nag-apply agud maghiwat sang in-person classes, apang maid-id ini sa karon nga gina-evaluate sang regional office agud mapasiguro nga ginasunod sang ahensya ang pagsulondan nga ginapatuman sang IATF.
Ginklaro man ni Ochavo nga ang limited face to face classes ang malayo sa nakaangdan nga in-person classes sang mga estudyante.
Wala paman nakapakighinun-anon ang DepEd sa ginahinyo sang iban nga estudyante nga magpatigayon sang face to face graduation.
