Ginpagwa na sang Philippine Basketball Association (PBA) ang final 12 members sang Gilas nga magapasakop sa FIBA Asia Cup nga magasugod sa Agosto 5 sa Jeddah, Saudi Arabia.
Ini ang ginpangunahan nanday Justin Brownlee, AJ Edu, Kevin Quiambao, Jamie Malonzo, June Mar Fajardo, Scottie Thompson, Dwight Ramos, Japeth Aguilar, Calvin Oftana, Chris Newsome, CJ Perez kag Carl Tamayo.
Ang nasambit nga selection ni Gilas coach Tim Cone ang wala sang kinalain sa iya gin-field sa Asia Cup Qualifiers final window sang nagligad nga bulan sang Pebrero.
Gin-ako ni Cone nga nagapangalag-ag si Oftana nga maghampang apang ginhatagan sang go-signal sang iya medical team.
Magahampang man si Fajardo bisan may yara ini sang calf injury.
Wala naman nalakip sa listahan sanday RJ Abarrientos, Troy Rosario, Rhez Abando kag Zavier Lucero.
Una nga maga-atubang ang Gilas sa Chinese Taipei sa Agosto 6 sa alas 2 sang hapon pagasundan ini sang Australia sa Agosto 7 kag Iraq sa Agosto 9.
