-- ADVERTISEMENT --
ROXAS CITY – Dead on arrival sa ospital ang isa ka lineman matapos nga nakuryente samtang nagapatigayon sang line clearance sa Barangay Tinaytayan, Dumarao, Capiz.
Ginkilala ang biktima kay Eruel Cuadrante Sta. Maria, 36-anyos residente sang Brgy. Cortez, Balete Aklan.
Sandig sa imbestigasyon sang Dumarao MPS, nagapatigayon sang line clearance ang biktima kaupod si Paul John Fuasan,31-anyos residente sang Brgy. Sto. Niño Dumalag.
Ginapahayag nga gin-utod ni Santamaria ang fiber drop wire nga nagresulta sang iya pagka-kuryente.
Gilayon nga ginpadangat sa Sen. Gerardo Roxas District District Hospital ang biktima apang gindeklarar nga dead on arrival sang doktor.
Sa karon, nagapadayon ang imbestigasyon sang mga kapulisan angut sa insidente.
