Indi na kinahangan ang price cap sa baboy, ilabi na sa litson sa pihak sang epekto sang African Swine Fever (ASF) sa pungsod, suno kay DA Secretary Francisco Tiu Laurel Jr.
Apisar nga wala ginalauman ang “minimal” price increase sa holiday season, ginsiguro ni Tiu Laurel ang bastante nga suplay sang baboy sa pungsod.
Tubtob Setyembre 30, masobra 517.86 million kilograms sang imported pork ang nag-abot sa pungsod sumugod sadtong Enero base sa Trade System sang DA.
Kadungan sang madinalag-on nga rollout sang 10,000 doses sang AVAC live vaccines batuk sa ASF, ginsiling sang DA nga ipadayon sini ang paghatag sang 150,000 doses sa idalum sang government-controlled vaccinations.
Matandaan, una na nga ginpalawig sang ahensya ang
government-controlled vaccination sa mapagros kag ASF-negative hogs sa mga lugar sa guha sang Batangas, kalakip na ang Laguna kag Central Luzon.
Subong man ang 150,000 doses nga wala pa naga-abot sa Pilipinas.
Samtang, ginsiling naman sang Bureau of Animal Industry (BAI), nga 465 barangays sa Cordillera Administrative Region, Ilocos, Calabarzon, Mimaropa, Bicol, kag Soccsksargen ang nagapabilin nga yara sa gihapon sa red zones, ukon mga lugar nga may aktibo nga kaso sang nasambit nga sakit.
