ROXAS CITY – Ginapasalig sang live-in partner sang nasapwan nga bangkay sa isa ka balay sa Barangay Bago, Roxas City nga magabulig ini sa mga kapulisan agud madasig nga matumod ang suspek nga responsable sa kamatayon sang 33 anyos nga biktima.
Ini ang ginpahayag ni Jonatahn Bilan, anay live-in partner sang biktima nga si Maria Luz Peñaroyo sang mainterview sang Bombo Radyo.
Suno kay Bilan,nga ginalauman na sini nga siya ang igatum-ok nga yara sa likod sang kamatayon sang biktima apisar nga wala makatilaw sakit sa iya si Maria Luz sang sila ang nagaupod pa.
Ginakabig ni Bilan nga biktima man ang iya nga kaugalingon bangud siya ang ginatum-ok nga yara sa likod sa kamatayon sang biktima, apisar nga inosente ini.
Panindugan ni Bilan nga gintundaan lamang siya nga nakit-an nga nagalinakat ang duha ka tuig nga anak sang biktima kag nagahilibion rason nga iya ini nga ginsugat.
Aminado si Bilan nga siya ang ginabasol sang mga himata sang biktima bangud wala gilayon ma-report sa mga kapulisan ang natabo sa kay Maria LuZ.
Nagpangayo sang pasaylo si Bilan sa mga himata ni Peñaroyo bangud ulihi naman siya nga nakabaton sang impormasyon.
Nagapanawagan si Bilan sa mga kapulisan nga kun mahimu padal-man ang imbestigasyon agud matumod ang persona nga may kahimu-an sa kamatayon sang biktima.
