ROXAS CITY -Pilason ang isa ka babayi matapos nga naglaslas sang pulso sa Taft Street., Barangay III Roxas City.
Suno sa inisyal nga interview sang Bombo Radyo sa kay Alyas James, live-in partner sang biktima nga si Alyas Jane ginaalegar sini nga samtang nagainom ini sila nga duha, hinali na gid lamang nga nagwaras si Alyas Jane.
Gindugang pa sini nga nagpadulong sa comfort room sa isa ka edipisyo si Alyas Jane apang sa pagbalik sini, tuman ang kakibot ni Alyas James nga may laslas na ang pulso sang iya nga live-in partner.
Ginpahayag ni Alyas James nga posible nga ginkaakig ni Alyas Jane ang pagsaway sini nga indi sila mag-inom sa kilid sang karsada bangod dakpon ini sila mga kapulisan.
Sa karun yara na sa estable nga kondisyon si Alyas Jane matapos nga ginbulong sang Capiz Emergency Response Team.
Matandaan nga ika-duha na kabeses nga naglaslas sang pulso si Alyas Jane matapos nga ginpahayag may yara sang iban nga naluyagan si kay Alyas James.
