Gin-aresto sang mga otoridad sa Chiba Prefecture, Japan ang isa ka 51-anyos nga streamer nga kilala bilang si “Zokkunzokkun” matapos maglibot sa isa ka residential area nga may suksok nga panty sa iya itsura.
Natabo ang insidente sa syudad sang Ichikawa.
Base sa report, tuyo kuntani sang lalaki nga makakuha sang mas madamo nga viewers sa iya nga online livestream, apang nagresulta ini sa iya nga pagkapreso kag pagpakamalaot sang publiko.
Nakasuksok si Zokkunzokkun sang puti nga gym uniform, pula ka bloomers, kag pink nga panty nga nakatabon sa iya nga ilong kag bibig.
Gin-livestream niya ini samtang nagalibot sa mga balay.
Bangud diri, madamo nga residente kag online viewers ang nag-report sa iya sa pulis kag natigayon nga maaresto ini.
Gin-ako niya nga ginhimo niya ini para makadugan sang viewers sa iya nga channel nga may kapin 5,000 followers.
May iban naman nga nagkwestyon kun ngaa gindakop gid ini.
Nanindugan naman ang Chiba Prefecture nga ginapatuman lang nila ang nuisance prevention ordinance agud mapabilin nga matawhay ang komunidad nga wala sang aktibidad nga indi disente nga makit-an sang publiko.
