ROXAS CITY – Nagdihon na sang lihok ang Local Government Unit sa banwa sang Sigma, agud matapna ang pagtaas sang kaso sang dengue sa ila lugar.
Ginpahayag ni Mayor Christopher Andaya nga nagpaguwa ini sang executive order angut sa clean up drive nga patigayunon tagsa ka Biyernes nga adlaw alas 4 sa hapon.
Nahibaluan nga epektibo Hulyo 4 ginpatuman na ang nasambit nga lihok nga ginpasakupan sang tanan humalin sa mga opisyales kag empleyado sang LGU kag mga pumuluyo.
Suno kay Andaya nga maka-alarma na ang numero sang mga nabiktima sang dengue sa ila lugar sa diin sa sulod lamang sang anum ka adlaw humalin sang Hunyo 23 tobtob 29 may na-rekord na nga 21 ka mga kaso.
Tinutuyo sang executive order sang alkalde nga makontrolar ang pagtaas sang numero sang mga dengue cases sa ila nga lugar
