Locker sang nagtaliwan nga si Kobe Bryant nabakal sa balor nga $2.8-M

Nabaligya sa balor nga $2.8 milyon ang locker sa Staples Center sang nagtaliwan na nga NBA star Kobe Bryant.

Suno sa Sotheby Auction nga wala nila ginalauman nga maglab-ot sa kasubong nga presyo ang nasambit nga locker bangud sa una nga tantiya nila ang yara lamang sa $1.2 milyon.

Dugang pa nila nga ang kabahin sang nabaligyaan ang ila igahatag sa Los Angeles Lakers Youth Foundation bilang pagkilala sa players.

Matandaan nga napatay ang Lakers star matapos nga nagtibusok ang ginasakyan nga helicopter kaupod ang anak nga si Gianna kag pito ka iban pa.

Sumugod sadtong mapatay nagtaas ang presyo sang mga memorabilia ni Bryant nga nabaligya sa mga auctions.