Isa ka 86-anyos nga lolo ang napilitan nga magbayad sang P19,000 matapos siya hatagan sang tiket sang mga enforcement officers bangud sa kaso nga littering.
Ang insidente natabo sa Skegness samtang nagapahuway sa isa ka parking lot ang lolo nga ginkilala kay Roy Marsh sang hinali lang naghuyop ang mabaskog nga hangin kag ginpalid dahon nga nagsulod sa iya sini nga baba.
Natural nga reaksyon sang amo nga tigulang ang i-dupla ini apang eksakto nga nakita siya sang duha ka opisyal nga gilayon siya nga ginpalapitan.
Ang pagdumdom ni Marsh nga nagalahog lang sila kag gin tawag pa niya ang isa nga “silly boy,” apang daku ang kakibot sini sang seryoso nga sukton sang multa.
Ginpakamala-ot naman sang konsehal sang amo nga lugar nga si Adrian Findley ang hitabo kag gintawag ini sobra kahugot indi na angay ilabi na nga apektado sini ang turismo sang banwa.
Suno sa iya, dapat may “discretion” ukon konsiderasyon ang mga otoridad sa tunga sang pagkalat kag mga aksidente nga sitwasyon.
Nahibaluan nga indi ini ang pinakauna nga tion nga nagpakita sang kahugot sa United Kingdom bangud sang damlag lang, isa man ka babayi sa London ang ginserbehan sang multa nga £150 pounds ukon P12,000 matapos maula ang kape sini sa isa ka drainage antes magsakay sang bus, nga nagdala sang kahadlok kag kakugmat sa publiko.
