DTI, wala sang nakita nga pagtaas sa mga balaklon pila ka adlaw bag-o mag-Paskwa

Ang Department of Trade and Industry (DTI) wala sang nakita nga pagtaas sa mga nagapanguna nga mga balaklon sa mga inadlaw antes sang Paskwa.

Ginpahayag ni Trade Secretary Crisitina Roque nga nagbuylog na ang tanan nga manufacturers sa mga konsumidor agud indi mangin palas-anon sa tion sang holiday season.

Ginasiguro niya nga regular sila nga naga-rotate sa nagkalain-lain nga merkado agud masiguro nga wala sang pagtaas sang presyo.

Padayon man ang pahanumdom sang DTI sa mga konsumidor nga kon mahimo magbakal sang temprano agud malikawan ang pagginutok sang tawo.