Nagpahanumdom ang LTO Roxas District Office sa mga pamuluyo nga kun mahimo personal gid nga magtransaksyon sa ila talatapan kag likawan ang pagpaagi sa mga fixer.
Sa interview sang Bombo Radyo, Atty. Allan Sacramento, OIC Chief sang LTO Roxas District Office, iya ginpahayag nga ginaduso sang ila opisina nga ang mga transaksyon sa LTO himuon gid mismo sang indibidwal nga nagakinahanglan sang serbisyo.
Suno sa iya, nagabaton man sang ila opisina ang mga transaksyon nga indi personal, apang kinahanglan nga may yara sang Special Power of Attorney (SPA) ang maga-asikaso sang papeles, ilabi na sa mga nagakuha ukon nagaproseso sang driver’s license.
Pahayag pa niya, kinahanglan nga may dala nga photocopy sang mga dokumento ang nagatransaksyon agud malikawan ang delay kag pagbalik-balik sa opisina.
Nagapangayo naman sang pag-intindi kag kooperasyon ang natungdan sa mahinay nga pagproseso sang iban nga serbisyo sa LTO Roxas bangud sa kakulangan sang personnel sa opisina apang ginasiguro nila nga ginahimo sang talatapan ang tanan agud ma-akomodar ang tanan nga nagakinahanglan.
