Ginransak sang kawatan ang isa ka buluthuan sa Barangay Poblacion Tabuc, Maayon, Capiz.
Sa interview sang Bombo Radyo kay PMAJ. Cyril Punzalan, hepe sang Maayon MPS, ginpahayag nga ginsulod sang nasambit nga kawatan ang Maayon National High School kag natigayon nga mataban ang isa ka TV, Laptop kag cash nga nagabalor P2,500.
Mahibaluan nga naglab-ot sa masobra P25,000 ang balor sang nasambit nga kagamitan nga nataban sang mga kawatan.
Dugang pa ni Punzalan nga nagalalapta na ang iban nga kagamitan sa amu nga hulot suno sa mga manunudlo sang amo nga buluthuan.
Ginapahayag nga pinaagi sa pagwasak sa padlock sang pirtahan natigayon nga makasulod ang kawatan.
Sa karon, may person of interest na ang mga katapo sang kapulisan angut sa nasambit nga insedente.
