“Mabuot nga bana, mapinalanggaon nga amay” -Ini ang paglaragway sang asawa sa iya bana nga si Corporal Gardose

NEGROS ORIENTAL – “Mabuot nga bana, mapinalanggaon nga amay.”

Amo ini ang paglaragway sang asawa sa iya nga bana nga si Corporal Reynold Gardose, 29 anyos, tumandok sang Tapaz, Capiz.

Ang mag-asawa nga Gardose ang may yara sang isa ka anak, naga-edad duha ka tuig.

Suno sa asawa, antes natabo ang engkwentro, naka-video call pa ang iya bana sa ila.

Gani, ginkakibot na lang niya nga pagkadason nga adlaw, may mga nagakumusta na sa iya kun ano ang natabo sa iya bana.

Nakumpirma sini nga napatay sa engkwentro si Corporal Gardose kag gilayon siya nga nagpadulong sa Negros.

“Mahirap tanggapin, masakit man pero kailangan,” pahayag sang asawa.