Talalupangdon man sa gihapon ang madakmol nga aso kag mga abo sa palibot sang San Francisco, California, USA kadungan sang nagluntad nga wildfire sa nasambit nga syudad sang Estados Unidos.
Suno kay Bombo International Correspondent April Joy Palmes Rosenthal, isa ka Capizeña nga nagaistar na sa karon sa San Mateo California, USA, nangin “apocalyptic” ang kolor sang kalangitan bangud sa wala untat nga pag-ulan sang abo.
Ginpahayag sini tuman na nga naapektuhan ang ila ikaayong lawas bangud nagdangat na sa 206 ang Air Quality Index sang California kag ginakabig na ini nga “unhealthy” rason nga mandatoryo sila nga ginapasuksok sang N95 mask.
Dugang pa sini nga madamo sang mga residente malapit sa ginluntaran sang wildfire ang nadulaan sang trabaho kag puluy-an.
Suno diri nga ginabudlayan sila magbiyahe bangud madakmol man ang abo nga nagabara sa atubang nga porsyon sang ila salakyan. Gindugang sini nga apisar yara sa 10 minutos ang kalayuon nila sa mismo ginluntaran sang wildfire pero nabatyagan man sini gihapon ang pagkahangawa.
