ROXAS CITY, CAPIZ- Gin-athag sang Revenue District Officer sang Bureau of Internal Revenue Roxas City nga si Nelia Demalata, nga bangud sa madamo nga deadline na-delay ang schedule sa pagrelease sang Electronic Certificate Authorizing Registration (eCAR) ni Erwin Pinaso sang Barangay Agdahon, Cuartero, Capiz nga nagpa-bombo.
Sa interview sang Bombo Radyo, ginsiling ni Demalata nga bangud nga sa duha lang ang encoder sa ila nga talatapan, nagtuga ini sa pagka-delay sang pagrelease sang amo nga papel.
Suno kay Demalata, ginahimo man sang ila nga talatapan ang tanan agud nga madul-ong ukon ma-release gilayon ang mga kinahanglanon sang tagsa ka mga kliyente.
Pahayag pa nya, kuntani palawigon pagid ang pasensya sang tagsa-tagsa bangud nga madamo man suno sa iya ang ila nga gina-ubra kag ginatinguhaan man nila nga ma-release ang nasambit nga certificate.
Nagapangyo naman ini sang pasensya sa mga kliyente nga nadelay ang pagkuha sang ila nga mga kinahanglan nga dokumento sa ila nga talatapan.
Interviewed by Bombo Francis Biñas
