ROXAS CITY – Naaktuhan sang mga pulis ang duha ka mag-abyan nga naga-pot session sa isa ka resort sa Ilaya-Ivisan, Ivisan, Capiz.
Ginkilala ang mga drug suspects nga sanday John Rodney Obuyes sang Barangay Milibili, Roxas City kag Kristelle Kaye Abella Vito sang Barangay Balatucan, Panit-an, Capiz.
Mismo ang tag-iya sang resort ang naghatag sang impormasyon sa mga katapu sang Ivisan PNP matapos nagduda ini sa panghulagon sang duha sang magsulod sa resort.
Narekober sa posesyon ni Obuyes ang aluminum foil, tooter, lighter kag 2 ka plastic sachet nga may yara pa sang shabu residue.
Suno sa mga pulis nga high pa sa ginadumilian nga droga ang mag-abyan sang ila maabtan nga nagapot session sa sulod sang resort.
Natalana nga pasakaan sang panumbungon nga paglapas sa Section 12 kag 15 sang RA 9165 ukon Comprehensive Dangerous Drugs Act of 2002 si Obuyes samtang paglapas sa Section 15 sang RA 9165 ang ipasaka kay Abella Vito.
