Mag-amay, patay sa sunog sa Pasay City

Patay ang mag-amay sa sunog nga nagluntad sa syudad sang Pasay.

Suno sa Bureau of Fire Protection (BFP), wala nakapalagyo ang mag-amay nga biktima samtang nasunog ang ila  balay.

Nagluntad ang sunog sa residensyal nga lugar sang P. Villanueva St. sa Barangay 85 syudad sang Pasay.

Naglawig sang kapin duha ka oras antes lubos nga napalong sang mga otoridad ang kalayo.

Nabudlayan naman ang mga bombero sa pagresponder bangud sa gutok nga lugar.

Padayon pa ang imbestigasyon sang mga otoridad sa gintunaan sang sunog.