Patay ang mag-asawa matapos ginluthang sang presidente sang homeowners association bangud sa ginaalegar away sa duta sa Barangay 167-Llano, Caloocan.
Depensa sang suspek, wala niya ginluthang ang mga biktima kag wala siya nang-agaw sang duta.
Ang mga biktima naga-edad 45 anyos ang bana kag 50 anyos naman ang misis.
Suno kay Police Colonel Joey Templora Goforth, hepe sang Caloocan Police, nagaguwa sa imbestigasyon nga luyag kuhaon sang suspek ang duta sang mga biktima.
Bangud sini , nagbaisay ang magtimbang nga bahin kag ginluthang ang mag-asawa.
Matapos ang pagpangluthang , naglakat ang gunman dala ang gingamit nga armas kag may kaupod nga duha ka babaye kag isa ka lalaki.
Suno naman sa anak sang mga biktima, yara sa impluwensya sang makahulubog nga ilimnon ang gunman.
Ginaalegar nga makapila ka beses man nga nagpamahog ang suspek sa pamilya sang mga biktima.
Nadakpan ang 64 anyos nga suspek sa ginpatigayon nga follow-up operation sang Caloocan Police.
Narekober naman ang .45 pistol kag gingamit nga motorsiklo sa pagpalagyo.
