Mag-iloy, patay matapos ginluthang sa sulod sang ila puluy-an

Patay ang mag-iloy matapos nga ginsulod kag ginluthang sang wala pa makilal-an nga suspek sa Sked 8, Barangay Nabulao, Sipalay City.

Suno sa report, nagapahuway ang mag-iloy sang ginsulod ini sang suspek kag ginpatay.

Dugang pa, antes pa man natabo ang pagpamatay nakabaton na ini sang death threat halin sa iya nga umagad.

Nahibaluan nga may yara sila sang tema-tema sang iya umagad bangud sa agaway sang lugar sa ‘mining’ humalin pa sang nagligad nga tuig.

May posibilidad man nga amo ini ang rason sa insidente bangud wala man siya sang iban nga kontra.

Sa subong, padayon pa ang imbestigasyon sang mga otoridad agud matumod kon sin-o ang suspek agud mapanabat sa kaso.