Patay ang 30-anyos nga lalaki matapos ginluthang sang iya kaingod isa ka barangay tanod (village watchman)sa Malasiqui, Pangasinan.
Suno sa report, natabo ang insidente sa guwa sang puluy-an sang mga biktima sa Barangay Polong.
Sa imbestigasyon sang pulis, antes ang pagtiro, may nagluntad nga pagbinaisay sa tunga sang 45-anyos nga suspek kag sang biktima nga napilasan.
Makadali nga naghalin ang suspek sa lugar, apang nagbalik ini nga may bitbit nga pusil kag ginluthang ang duha ka mag-utod.
Isa sa mga biktima ang napatay, samtang ang isa naman ang gindala sa ospital.
Nahibaluan nga naggwa lang sa ila balay ang napatay nga biktima agud magpamakal kag nagapakig-istorya sa ila utod sang ginluthang sang suspek.
Ginapangita na sang mga otoridad ang suspek nga nagpalagyo matapos makomiter ang krimen.
Samtang hustisya naman ang panawagan sang pamilya sang mga biktima.
