Agud matapos na ang ila kalisod, gintapos sang isa ka amay ang kabuhi sang iya duha ka bata nga lalaki nga may edad 20 kag 21, nga pareho may deperensya sa pagpanghuna-huna sa Gingoog City, Misamis Oriental.
Suno sa mga otoridad, nagakatulog ang mga biktima sang gulpi lang hampakon sang ila amay sang martilyo sa ulo nga gintunaan sang ila nga kamatayon.
Gilayon man nga na-aresto ang suspek sa hot pursuit operation sa ibabaw sang isa ka flyover matapos gina-alegar nagahana man ini nga maglumpat.
Suno naman sa suspek, iya gina-rason ang problema sa paminsarinon sang duha niya ka mga bata rason nga gin-utas na lang niya ang kabuhi sang mga iniagud indi na sila mag-antos pa.
Apang suno sa utod sang suspek, madugay na nga ginsakit ang mga biktima sang ila amay pati na ang iya sini nga asawa nga posible man nangin rason sang pag-angkon sang problema sa paminsaron sang iya mga bata.
Desidido naman ang pamilya na magpasaka sang kaso nga parricide batuk sa suspek nga yara na sa kustodiya sang mga otoridad.
