Mag-utod nga nagabaisay, ginbuno

ROXAS CITY – Padayon nga ginabulong sa ospital ang duha ka mag-utod nga ginbuno sa Barangay Taft, banwa sang Tapaz.

Nag-angkon sang pilas sa likod kag idalum sang kilikili sanday Benjie Gicole 40-anyos kag manghod nga si John Mark Gicole 31-anyos, residente sang amo nga lugar.

Nagapabilin naman nga at-large ang suspek nga si Jay Mark Llagono 18-anyos.

Nagaguwa sa imbestigasyon sang Tapaz Municipal Police Station nga nagaba-isay ang mga biktima kag aksidente nga nakamentionar sang malain nga tinaga batuk sa amay sang suspek.

Ginapatihan nga ginkaakig ini sang suspek nga nagkuha sang kutsilyo kasunod ang pagbuno sa mag-utod.

Samtang gilayon nga nagpalagyo ang suspek kaupod ang iya nga amay.