Pilason ang duha ka mag-utod nga naga-obra nga parking boy matapos ginkastigo kag ginlampusan ssang tubo sa tunga sang rambol sa Barangay Canelar, Zamboanga City.
Sandig sa imbestigasyon sang kapulisan, nakit-an sa isa ka video footage ang isa sa mga biktima nga nagahigda sa karsada samtang makapila ka beses ini nga ginasipa kag ginalampusan sang tubo.
Isa pa ka lalaki ang ginlagas sang pila ka mga lalaki nga may bitbit man nga tubo tubtob nga na-corner kag ginkastigo man.
Suno sa kapulisan, ang mag-utod nga mga biktima nga naga-edad sang 35 kag 26.
Gindala ang mga ini sa ospital kag yara na sa maayo nga kahimtangan.
Sa ginpatigayon nga hot pursuit operation sang kapulisan, nadakpan ang duha ka mga lalaki nga naga-edad 28-anyos kag 20-anyos nga ginaalegar involved sa amo nga kinagamo.
Sa subong, padayon pa ang imbestigasyon sang mga otoridad sa gintunaan sang rambol.
