Gintay-og sang magnitude 4.7 nga linog ang banwa sang Tibiao, Antique kaina sang aga, Hunyo 29, 2024.
Sandig sa ginpaguha nga balita sang Philippine Institute of Volcanology and Seismology (PHIVOLCS), nahibaluan ang sentro sini sa kalayuon 18 km sa aminhan-katundan sang Tibiao.
Nabatyagan naman ang intensity 5 sa nasambit nga banwa, kaupod na ang kalapit nga kabanwahanan sini kasubong sang Culasi kag Babaza sang Antique.
Naka-rekord man sang Intensity 3 sa Malinao, Aklan, intensity 2 sa Pandan, Antique kag intensity 1 sa Ibajay, Aklan; Tapaz, Capiz, kag San Jose de Buenavista, Antique.
Suno sa ahensiya, tectonic ang gintunaan sang linog kag may kadalumon ini nga isa ka kilometro. Wala naman ini nakitaan nga magadala ang epicenter sini sang mabaskog nga balud sa baybayon.
Indi man it mabaskog ang ginalauman nga aftershock sang amo nga linog.
