Gintay-og sang magnitude 5.8 nga linog ang kadagatan sang Davao Occidental.
Suno sa Philippine Institute of Volcanology and Seismology (Phivolcs), ang linog natabo mga ala 1:22 sang kaagahon, Pebrero 15, 2026.
Ang epicenter sini nahamtang sa ginabanta 231 kilometers southeast sang banwa sang Jose Abad Santos.
Ginpahayag sang Phivolcs nga tectonic ang ginhalinan sang linog kag may kadalumon nga 10 kilometers sa idalom sang seabed rason nga mabatyagan ini sa pila ka mga malapit nga lugar.
Apisar nga mabaskog, ginalauman sang ahensya nga indi ini makatuga sang daku nga kahalitan bangud nahamtang ini sa malayo nga bahin sang kadagatan.
Apang nagpaandam ang Phivolcs nga posible ang mga aftershocks, nagpanugyan sa publiko nga magpabilin nga alerto kag magsunod sa ginapatuman nga safety protocols.
Dugang pa sang ahensya nga ang pinakaulihi nga pagtay-og ang kabahin sang serye sang kasarangan tubtob mabaskog nga linog nga na-record sang damlag lang sa Davao Occidental kag kaiping nga Davao Oriental, mga lugar nga nalakip sa active tectonic zones sang pungsod.
Padayon ang monitoring sang mga otoridad sa sitwasyon agud masiguro ang kaluwasan sang mga residente sa apektado nga mga lugar.
