Magnitude 6.5 nga linog sa Surigao del Sur, wala nagtuga sang kahalitan – OCD

Wala nakapagrekord ang Office of Civil Defense sang anuman nga kahalitan kasunod sang nag-igo nga Magnitude 6.5 nga linog sa Surigao Del Sur.

Sa pihak sini, ginsiguro sang ahensya nga mapabilin gihapon ini nakamonitor sa sitwasyon sang nasambit nga lugar, kadungan sang pagbantay sang mga Local Disaster Risk Reduction and Management Office (LDRRMOs) sa bilog nga rehiyon.

Una na nga ginpahagan-hagan sang Philippine Institute of Volcanology and Seismology (PHIVOLCS) ang kahadlok sang publiko angut sa tsunami kasunod sang nasambit nga linog nga natuhoy nga nag-sentro sa kalayuon nga 67 km sa hilagang silangan sang Lingig.

May kadalumon ini nga pulo nga kilometro samtang, tectonic naman ang ginatudlo nga gintunaan sang nasambit nga linog.