ROXAS CITY – Dakup ang magpakaisa sa ginpatigayon nga drug buy bust operation sa Sitio Cassandra, Barangay Punta Tabuc, sining syudad.
Ginkilala ang mga drug suspek nga sanday Maricel Bergantinos 38-anyos kag Rocky Bolina nagabaligya sang kaldo, lunsay residente sang nasambit nga barangay.
Nakuha sa posesyon sang duha ang 6 ka sachet sang ginapatihan shabu, P1,000 nga buy bust money, cellphone, wallet kag mga drug paraphernalia.
Ginpahayag ni Police Master Sergeant Ramil Arcangeles, information officer sang Roxas City PNP nga duha ka semana ang monitoring sa iligal nga aktibidad sang duha antes ginpatigayon ang operasyon sang gintingub nga pwersa sang Station Drug Enforcement Team (SDET), Philippine Drug Enforcement Agency (PDEA)-Capiz kag Provincial Drug Enforcement Unit ukon Capiz PDEU.
Suno kay Arcangeles nga na-preso na sang 2017 sa kaso may kaangtanan sa iligal nga droga si Bergantinos kag Pebrero 17, 2021 lamang nakaguha sa bilangguan.
Samtang lunsay ginapanginwala nanday Bergantinos kag Bolina nga nagaduso sila sang iligal nga droga.
