Magulang patay matapos bun-on sang manghod

ROXAS CITY – Patay ang magulang matapos bun-on sang manghod sa Barangay Agsirab, Dumarao, Capiz.

Ginkilala ang biktima nga si Rodelio Palomo nga nag-angkon sang pilas sa lawas matapos ginbuno sang manghod nga suspek nga si Bonifacio Palomo.

Nagaguwa sa imbestigasyon sang Dumarao Municipal Police Station nga lunsay hubog ang duha sang mag-abot sa balay sang ila ginikanan.

Nagbaisay ang mag-utod kag hinali na lamang nga ginkuha sang suspek ang kutsilyo kasunod ang pagbuno sa iya magulang.

Gindala pa sa ospital ang biktima, apang gindeklara nga dead on arrival.

Samtang boluntaryo naman nga nagsungka sa mga otoridad ang suspek matapos ang krimen.