Make up artist, patay matapos ginpukpok sang bato sa ulo 

Patay na sang masapwan ang isa ka make up artist sa higad sang baybay sa Lobo, Batangas matapos ginaalegar pukpukon ang iya nga ulo sang bato.

Ang biktima amo si alyas “Aljohn” yara sa legal nga pang-edaron kag resdiente man sang amo nga lugar.

Sandig sa imbestigasyon sang mga kapulisan, nakit-an sang mga bata nga nagahampang ang lawas sang biktima nga may takop nga jacket sa ulo.

Sa pagresponde sang mga pulis nakit-an ang daku nga pilas sa ulo sang biktima kag nakit-an man sa lugar ang bato nga posible gingamit batok sa iya.

Sa subong, padayon ang imbestogasyon sang mga kapulisan agud gilayon nga makilan-an ang suspek nga may kahimuan sang krimen.