Gintuad sang Palasyo sang Malacañang nga indi basta-basta mapauntat ang pagpanagtag sang Ayuda para sa Kapos ang Kita Program ukon AKAP subong nga panahon sang kampanya.
Suno kay Palace Press Officer Usec Claire Castro nga madamo sang Pilipino ang nagalaum sa nasambit nga ayuda agud masustentuhan ang ila nga pang-adlaw-adlaw nga kinahanglanon.
Ilabi na suno diri nga nagguwa sa survey nga madamo sang Pilipino ang nagutuman sa pihak sang nagkalain-lain nga programa sang gobyerno batuk sa kapigaduhon.
Bangud sini, indi ini gilayon nga masuspinder ang distribusyon sang AKAP, ilabi na posible suno diri mag-react ang mga benepisyaryo nga madugay na nga nagalaum sa programa bilang pangpiyan-piyan sa pang-adlaw-adlaw nila nga kinahanglanon.
Mahibaluan nga sining nakaligad nga semana, pila ka grupo ang nag-file sang petisyon sa Korte Suprema nga nagahinyo sang temporary restraining order sa pagpatuman sang AKAP bangud ginapahayag nga nagaserbe nga congressional pork barrel.
Sini man nga nakaligad nga semana, nagpaguwa ang COMELEC sang certificate of exemption sa spending ban subong nga eleksyon sa pila ka programa sang DSWD, kalakip na ang AKAP program.
