Gin-paathag sang Malacañang ang gina-alegar P14 million nga uncollected expenses nahanungod sa foreign trip sang Office of the President nga na-flagged down sang Commission on Audit.
Suno kay Palace Press Officer Usec. Claire Castro, ang agency sang Overseas Filipino Workers ang may yar sabng receivables o wala pa mabayaran sanga Office of the President para sa nasambit nga byahe.
Pahayag pa ni Castro nga nagpadala na sila sang formal letter agud nga ma-proseso ang pagbayad kag maresolba ang isyu.
Sa subong, may kapin ₱7 milyon na ang nakuha sang Office of the President gikan sa kabug-osan nga kantidad nga kinahanglan bayaran, kag nagapadayon pa ang koordinasyon agud makumpleto ang nabilin nga balanse.
Base sa report sang Commission on Audit (COA), kapin ₱14.4 milyon nga foreign travel expenses nga gin-advance sang Office of the President (OP) para sa nagkalain-lain nga opisyal sang gobyerno ang wala pa nakuha tubtob Disyembre 2024.
Ang amo nga kantidad para sa airfare kag hotel accommodations sang mga opisyal gikan sa nagkalain-lain nga ahensya nga nag-upod sa presidential foreign trip sugod 2022.
Nagapabilin nga overdue ang mga receivable bisan pa nga dugay na ini nabayaran sang Office of the President, suno sa annual audit report sang Commission on Audit.
