Gindula sang Malacañang ang kabalaka sang mga Filipinos nga may yara sang oil crisis sa pungsod.
Suno kay Palace Press Officer Undersecretary Atty. Claire Castro, nagapabilin nga bastante ang supply sang gatong sa Pilipinas apang may yara sang “price disruption.”
Ginpaathag ni Castro nga may yara sang duha ka sahi sang problema kun gatong ang istoryahan.
Ini amo ang problema sa supply ukon wala sang available nga gatong kag problema sa presyo ukon may yara sang gatong apang nagamahal ang presyo.
Pahayag sang natungdan, mismo si Department of Energy Secretary Sharon Garin ang nagsiling nga wala nagapangatubang sang supply crisis ang Pilipinas.
May yara sang stocks kag may mga deliveries nga maabot.
Apang bangud sa tension sa Middle east, nagapadayon ang pagtaas sang presyo sang gatong sa bilog nga kalibutan.
Gani apisar nga may yara sang supply sang gatong ang pungsod, mahal naman ini kun baklon.
Nahibaluan nga nagapangita na ang gobyerno sang iban nga pungsod nga mahimo mabaklan sang gatong sa tion nga maglala pa ang sitwasyon sa Middle East.
