Dismayado ang Malacañang sa pagpakanubo ni Vice Pres Sara Duterte sa San Juanico Bridge bilang tourist spot.
Ginhatagan pagtamod ni Palace Press Officer Claire Castro nga ang nasambit nga taytay nga nagalaba sang 2.16km kag gintukod sang 1973 ang simbolo sang katahum kag ikasarang sa engineering.
Suno sa iya, ang kalip-ot ukon kalabaon sang isa ka taytay wala nagadeterminar sang iya kahimtangan bilang isa ka tourist spot.
Ginhatag ni Castro ang halimbawa sang Golden Gate sa San Francisco, California nga 2.7 kilometros lamang ang kalabaon, kag bisan ang El Marco (nagaangot sa Espanya kag Portugal) nga anum ka metros lamang ang kalabaon apang isa ka tourist spot.
Masubo suno sa opisyal nga samtang si Pangulong Si Marcos madasigon nga nagapasanyog sang turismo sa Pilipinas, ginaguba ini sang mga kasimanwa nga Pilipino.
Ini ang reaksyon sang Palasyo sa pahayag sang bise presidente sa Australia sa diin ginkwestyon sini kun paano nangin tourist spot ang San Juanico Bridge.
