Gindepensahan sang Malakanyang ang ginatuyo sang Executive Order No. 81 nga ginpaguha ni Presidente Ferdinand Marcos Jr para sa reorganization sang National Security Council.
Suno kay Executive Sec. Lucas Bersamin, ini agud himuon nga mas episyente kag epektibo ang membership sang NSC.
Dugang pa ni Bersamin, sa karon wala ginakonsiderar nga relevant ang bise presidente sa mga responsibilidad sang konseho.
Apang, sarang naman suno sang Presidente nga magdugang sang mga miyembro kag advisers kun kinahanglan.
Ginbalasa ni Presidente Ferdinand Marcos Jr. ang mga miyembro sang National Security Council kun sa diin ginkakas ang bise-presidente kag mga anay presidente bilang mga miyembro sini.
Nahibaluan naman nga may pagbag-o sa organisasyon sang NSC sa mga nakaligad nga administrasyon partikular sa idalom sang liderato nanday anay Presidente Fidel Ramos kag Gloria Macapagal-Arroyo.
